الدرس 12 من الدورة الثانية للطبخ - pièce monteé

نينا99

مشرفة ركن الاطباق الرئيسية
#1
السلام عليكن اخواتي
اليوم حبيت نوريلكم طريقة عمل كعكة متكونة من عدة طبقات او pièce monteé بطريقتي
وحبيت نقلكم انها اسهل تارت ممكن تعملوها وراني عملتها خصوصا للمبتدئات تبعو معايا وراح تلقاي بلي معضم مكوناتها تتباع في المحلات وزيد ماشي كيكةاسفنجية واللي ماتنجحش مع الكثيرات يعني بالمختصر المفيد ماتتعبوش معاها لاني اختصرتلكم الوقت والمجهود نبداو على بركة الله
الدرس الحادي عشر
pièce monteé




11159976_476157259202402_322897284238884190_n.jpg

التحضير
لعمل الجينواز
في صحن حطي 4بيضات مع نصف كاس اينوكس زيت+نصف كاس سكر+نصف كاس حليب ونصف ملعقة فاني


خلطي بفرشيطة ولا الخلاط مليح حتى تتجانس المكونات


زيدي كاس ونصف فرينة مغربلة+قرصة ملح+1خميرة ونصف خميرة الحلوى ادمجي الكل بالفرشيطة تتحصلي على خليط متوسط الكثافة


وصبي الخليط في قالب مدهون بالزبدة ومرشوش بالفرينة ودخليها للفرن على 220 حتى تاخد اللون الدهبي



زيدي حضري كيكة تانية بنفس الطريقة وفي الوقت اللي تكون تطيب فيه حضري لاكرام باتيسيار انا استعملت علبة واحدة دوق فاني
د

وانتي ممكن تغيري الذوق راهي تتباع ب 30دج فرغيها في كاسرونة وزيديلها 3 ملاعق سكر ونصف لتر حليب خلطي مليح وحطيها على النار مع الخلط المتواصل حتى تعقد وخليها تبرد ثم زيدي ضربيها مليح بالباتور حتى تتنحى الكريات اللي تتشكل فيها



كي تكمل طلعي 200غ كرام شانتيي نتاع الميزان راهي تتباع 50دج لل100غ طلعيها مع كاس ونصف حليب ضروري يكون بارد جدا جدا حتى تولي كريمة متماسكة وثقيلة حطيها في الكونجي لاتور في الوقت اللي نبداو فيه التشك

وجدي فواكه حسب الموجود عندك ولا ممكن تشري حبة من كل فاكهة ماتكلفكش بزاف

وجدي لاجولي راهي تتباع العلبة هادي ب100دج وتبقالك في الثلاجة لعدة استعمالات وادا ماعندكش عوضيها بشوية مربى حسب الموجود اللي تسخنيه شوية وتستعمليه
التشكيل
لما يطيبو الجينوازات الزوج واحدة خليها كيما هي وحطيها فوق مول مقلوب فوقو ورق المنيوم لتسهيل العمل وادهنيها بطبقة من لاكرام باتيسيار وروحي للجينواز الثانية وقطعيها 2 او 3 دوائر متفاوتة الحجم يعني وحدة كبيرة والثانية اقل منها والثالثة صفيرة وممكن تستعيني ب3 صحون كبيرة ومتوسطة وصغيرة ادا ماعندكش القطاعة حطيهم فوق الجينواز ودوري عليهم بالسكين وراح تتحصلي على الشكل المطلوب


حطي الكيكات اللي تحصلنا عليها فوق الكيكة اللي دهناها بلاكرام باتيسيار وماتنسايش كل كرة تعاودي تحطي بينها لاكرام باتيسيار راح تتحصلي على هاد الشكل



الآن مرحلة التزيين
غلفي كل الكيكة بلاكرام شانتيي بواسطة الكيك الحلواني وادا ماعندكش ممكن تستعملي كيس او كيس الحليب اللي تنضفيه وتنشفيه مليح وحطي الفواكه وادهنيها بلاجولي بواسطة فرشات اللي تكوني سخنتيها شوية حسب الرغبة انا عملتلكم تزيين بسيط جدا جدا حتى تشوفو سهولتها والمرات نقاديمة نوريلكم الطريقة الاحترافية في تشكيل الكريمات بلابوش آدوي او الكيس الحلواني

قدموها مباشرة ادا ماعندكش الوقت لكن من الاحسن تخلوها ترتاح 4 ساعات

وهدا شكلها من الوسط بعد التقطيع

وقت التقديم انقليها بلطف لصن كبير مانعملوش كيما انا قطعتها مباشرة لانو وقع الهجوم ههههههههههههههههههه


مالا خلو ازواجكم عائلاتكم يشوفو مهاراتكم واعملولهم مفاجئة لما يرجعو من العمل ولا اعمليها لضيافك خليهم يغيرو شوية هههههههه
ملاحضة ادا ماعندكش كاس اينوكس ممكن تستعملي كاس عادي لكن زيدي زوج ملاعق من الزيت والسكر والحليب والفرينة لان كاس لينوكس شوية كبير
السنيوة او المول اللي عملت فيها واضح في الصورة وحجمو اقل من المول نتاع الفرن
ممكن تعمليها في مول مربع وكي توصلي المرحلة التشكيل خلي الجينواز الاولى كيما هي والثانية احسبي ثلاث ارباعها بالطول وقطعي بالسكين راح تتحصلي على جزتين جزء كبير اللي هو الثلاث ارباع حطيه فوق الكيكة وجزء صغير وطويل اللي هو الربع اللي بقالك وحطيه فوق اللي قبلو راح تتحصلي على كيكة مربعة او مستطيلة من ثلاث طبقات وكملي التزيين والحشو بنفس الطريقة
راني نستنا آرائكم وتقييماتكم وبلا ماننسى تطبيقاتكم
 
التعديل الأخير بواسطة المشرف:

نينا99

مشرفة ركن الاطباق الرئيسية
#12
شكرا لكن اخواتي على المرور وعلى التقييم والحمد لله انها نالت اعجابكم في انتظار آراء البقية
 

نينا99

مشرفة ركن الاطباق الرئيسية
#16
حبيباتي ام شيماء وام رحمة وجارتي الغالية ام نيفين الف شكر لكن على المرور وعلى الردود الطيبة
 

صبرينة

مشرفة ركن الامومة والطفولة
#17
راااااااااااااااااااائعة نينا حبيبتي والله هايلة و الي يعجبني فيك دائما تحطي الكيفية بطريقة ساهلة وتلقاي الحل لكل صعب وتبسطي الامور وتجاوبي على التساؤلات بطريقة غير مباشرة وهذا كله نتيجة احترافيتك يا غالية
ربي يفرحك ياااااااااااااااااااااااارب ويعطيك واش تتمناي
 

ام ايمن وانس

مشرفة ركن الخياطة
#19
الله يحفظك نينه والله وانا بالمستشفى كنت نقول ياترى نينا واش حطت درس هدا الاسبوع وصدقيني مديت لوحد الاخوات عدة وصفات من تاعك وقلتلهم يدعودلك بالدريه الصالحه ياااااارب
خليني نبرا ملييييح ونبدا نطبق في الدرورس لي فاتتني.تحياااتي
 

ام ايمن وانس

مشرفة ركن الخياطة
#20
الله يحفظك نينه والله وانا بالمستشفى كنت نقول ياترى نينا واش حطت درس هدا الاسبوع وصدقيني مديت لوحد الاخوات عدة وصفات من تاعك وقلتلهم يدعودلك بالدريه الصالحه ياااااارب
خليني نبرا ملييييح ونبدا نطبق في الدرورس لي فاتتني.تحياااتي
 

نينا99

مشرفة ركن الاطباق الرئيسية
#21
راااااااااااااااااااائعة نينا حبيبتي والله هايلة و الي يعجبني فيك دائما تحطي الكيفية بطريقة ساهلة وتلقاي الحل لكل صعب وتبسطي الامور وتجاوبي على التساؤلات بطريقة غير مباشرة وهذا كله نتيجة احترافيتك يا غالية
ربي يفرحك ياااااااااااااااااااااااارب ويعطيك واش تتمناي
v
الرائعة انتي اختي صبرينة بردودك وانا مادابيا نبسطلكم قدر الامكان حتى توصل الفكرة وتنجح معاكم الوصفة 100/100وراكي حشمتيني بإطراءاتك الطيبة :خجُوووولَةٌ"_"::خجُوووولَةٌ"_"::خجُوووولَةٌ"_"::خجُوووولَةٌ"_"::خجُوووولَةٌ"_"::خجُوووولَةٌ"_"::خجُوووولَةٌ"_":ربي يحفظك اختي العزيزة
 

usergroup legend

Management
Administrators
Super Moderators
Moderators
Trial Moderators
VIP
Respected
Registered Users
Banned